Play a pet friendly and safe Holi🤗

As being pet parents and pet lovers it's our responsibility to help our furry kids and furry friends to remain safe. Holi is a festival for human beings not for the pets and other animals on the street.
Every year during holi occasion many people involve their beloved pets or Street animals in this colour play for fun and photography purpose.
The colours are not at all safe and it has greater negative impact on Dogs & other animals. Holi colours are full of chemicals like lead oxide, Mercury Sulphate and much more which has a deadliest impact on animals as well as on humans. Animals and small kids are very much susceptible to holi colours. Due to the presence of harmful chemicals in Holi colours which causes a lot of problem and discomfort to our pets.

Some noticeable impacts are:
*Skin Irritation
*Water balloons causes eyes damage
*Respiratory troubles
*Allergies
*Colours if consumed acts as a slow poison
*Vomiting
*Loose Motion
*Behavioural change like aggression, getting scared, panic attacks

Tips to follow and keep animals safe during holi:
●Induce vomiting if the animal has mistakenly ingests the colour.
●Wash the dog or victim animal's eyes with water if colour comes in contact.
●If the condition is severe, visit a vet.

What a small contribution we can do for a pet & human safe holi?
◆Educate the kids about the harmful effects of holi colours and how to play safe and pet friendly holi.
◆As this holi is not only a festival of colours but also of sweets, avoid feeding sweet dishes for the pets it can imbalance the glucose levels in their bodies and sweets are poisonous to animals.
◆Avoid taking pets out of home. Make sure your pet is safe at home not exposing to the harmful colours and noise.
◆If your pet or any other street animal is being victim to the colours then one has to handle the situation very carefully and never try to wash them using kerosine or other harmful oils. Because these harmful oils can penetrate the skin lining and worsen the skin health of the animal. Instead you can use coconut oil to remove the colours and then wash with shampoo and ample amount of water.
◆If you find any animal is being a victim for holi and suffering from any infection or problem then please inform local dog care NGOs so that they can rescue the animals.
Or as being a kind human being even you can also take it to the vet and help the needy animals.
◆Dont feed any alcoholic products to the animals.
◆Dont play with water balloons it is harmful for animals as well as small kids. And please don't forget that holi is for human beings not for other animals.
◆ Provide clean and sufficient water to the animals.
◆ Keep veterinary doctors contact numbers standby to help the needy animals.
And always remember what's good for you isn't good for furry friends.

https://archanayatish.wordpress.com/2019/03/20/play-a-pet-friendly-safe-holi%f0%9f%a4%97/

(P.S: Don't colour animals on holi and do not try to use any type of colours on animals may it be yours or street's - Just so you'd know, painting, coloring or using chemicals on animals is seriously punishable under Section 11 of the Prevention of Cruelty to Animals Act, 1960.)
Lets be kind and celebrate a cruelty free, pet friendly and safe holi!
Have a pawsome Holi!!

ಸಂತ ಶಿಶುನಾಳ ಶರೀಫ

ಮಾರ್ಚ್ 7 ಭಾವೈಕ್ಯಕೆಯ ಹರಿಕಾರ ಸಂತ ಶಿಶುನಾಳ ಶರೀಫರ ಜನ್ಮದಿನ.
ಶಿಶುನಾಳ ಶರೀಫರು ಕರ್ನಾಟಕದ ಕಬೀರ್ ದಾಸ್ ಎಂದೇ ಪ್ರಸಿದ್ಧರಾಗಿದ್ದು ಹಿಂದೂ, ಮುಸ್ಲಿಮರೆಂಬ ಭೇದವಿಲ್ಲದೆ ಎಲ್ಲರೂ ಅವರನ್ನು ಸಂತರೆಂದು ಪರಿಗಣಿಸಿದ್ದಾರೆ. ಕರ್ನಾಟಕದ ಮೊದಲನೆಯ ಮುಸ್ಲಿಂ ಕವಿ ಎಂಬ ಖ್ಯಾತಿ ಕೂಡ ಅವರಿಗಿದೆ.ಇಮಾಮ್ ಸಾಹೇಬ್ ಮತ್ತು ಹಾಜುಮಾ ಎಂಬ ದಂಪತಿಗಳ ಮಗನಾಗಿ ಜನಿಸಿದ ಶರೀಫರ ಹುಟ್ಟೂರು ಹಾವೇರಿ ಜಿಲ್ಲೆಯ ಶಿಗ್ಗಾವಿ ತಾಲೂಕಿನ (ಶಿಶುನಾಳ) ಶಿಶುವಿನಹಾಳ ಎಂಬ ಚಿಕ್ಕ ಗ್ರಾಮ.
ಅಲ್ಲಿಯೇ ಕನ್ನಡ ಮತ್ತು ಉರ್ದು ಶಿಕ್ಷಣ ಪಡೆದು
ಉಪಾಧ್ಯಾಯರಾಗಿ ಸೇವೆ ಸಲ್ಲಿಸುತ್ತಿರುವಾಗ ನಾನೇನು ಮಾಡುತ್ತಿದ್ದೇನೆ? ಬೇರೆಯವರಿಗೆ ಕಲಿಸುವ ಅರ್ಹತೆ ನನಗಿದೆಯೇ? ಎಂಬ ಪ್ರಶ್ನೆಗಳು ಅವರಿಗೆ ಕಾಡತೊಡಗಿದಾಗ ತಮ್ಮ ಶಿಕ್ಷಕ ವೃತ್ತಿಯನ್ನು ಬಿಟ್ಟು ತಮಗೆ ಸೂಕ್ತವಾದ ಗುರುವಿನ ಹುಡುಕಾಟಕ್ಕೆ ಅಲೆದಾಡುತ್ತಿರುವಾಗ ಕೊನೆಗೆ ಗುರು ಗೋವಿಂದ ಭಟ್ಟರನ್ನು ಭೇಟಿಯಾಗಿ ಅವರನ್ನು ತಮ್ಮ ಗುರುವೆಂದು ಸ್ವೀಕರಿಸುತ್ತಾರೆ. ದೇವಿಯ ಆರಾಧಕರಾಗಿದ್ದ ಗೋವಿಂದ ಭಟ್ಟರು ಬ್ರಾಹ್ಮಣರಾಗಿದ್ದರೂ ಸಂಪ್ರದಾಯ, ಮೂಢನಂಬಿಕೆಗಳ ಎಲ್ಲೆಯನ್ನು ಮೀರಿ ನಿಂತಿದ್ದರು. ಗುರುವಿನ ಒಡನಾಟದಿಂದ ತಮ್ಮ ಅರಿವಿನ ಬಾಗಿಲು ತೆರೆದಾಗ ಶರೀಫರು ಗುರುವಿನೊಡನೆ ಚರ್ಚೆ, ಮಾತು, ಕಲಿಕೆಯಲ್ಲೇ ಹೆಚ್ಚಿನ ಸಮಯ ಕಳೆಯಲಾರಂಭಿಸಿ ಮನೆಗೆ ಹೋಗುವುದನ್ನೇ ಕಡಿಮೆ ಮಾಡಿಬಿಟ್ಟರು. ಆಗ ಊರಿನ ಜನ ಶರೀಫರ ಕುಟುಂಬದವರಿಗೆ "ಆ ಜನಿವಾರದವನ ಜೊತೆ ಶರೀಫನಿಗೇನು ಕೆಲಸ?" ಎಂಬೆಲ್ಲ ಪ್ರಶ್ನೆಗಳನ್ನು ಕೇಳತೊಡಗಿದಾಗ ಹೀಗೆ ಬಿಟ್ಟರೆ ಶರೀಫ ಕೈ ತಪ್ಪಿ ಹೋಗುತ್ತಾನೆಂಬ ಭಯದಿಂದ ಶರೀಫರ ಮನವೊಲಿಸಿ ಫಾತಿಮಾ ಎಂಬ ಹೆಣ್ಣುಮಗಳ ಜೊತೆ ಶರೀಫರ ಮದುವೆ ಮಾಡಿದರು.
ಶರೀಫರು ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟ ಮೇಲೆ ಹೆಂಡತಿಯನ್ನು ತುಂಬಾ ಪ್ರೀತಿಸತೊಡಗಿದರು. ಹೆಂಡತಿಯ ಒಡನಾಟದಲ್ಲಿ ಶರೀಫರು ಬೆಟ್ಟದಷ್ಟು ಜ್ಞಾನ, ಪ್ರೀತಿಯನ್ನು ಪಡೆದರು. ಮೊದಲ ಹೆರಿಗೆಯಲ್ಲಿ ಶರೀಫರ ಮಡದಿ, ಮಗು ಇಹಲೋಕ ತ್ಯಜಿಸಿದಾಗ ಶರೀಫರಿಗೆ ಜೀವನದ ಮೇಲೆ ತುಂಬಾ ಬೇಸರವಾದರೂ, ದುಃಖಿಸುತ್ತ ಕೂರದೆ

ದೇವರಲ್ಲಿ ನಂಬಿಕೆಯಿಟ್ಟು ಗುರು ಗೋವಿಂದರೊಡಗೂಡಿ ಮಂದಿರ-ಮಸೀದಿ ಅಲೆಯುತ್ತ ಜ್ಞಾನದ ಸಾಗರವನ್ನೇ ಹರಿಸಿ ಈ ಇಬ್ಬರು ದೈವೀ ಪುರುಷರು ಅನೇಕ ಪವಾಡಗಳನ್ನು ಮಾಡಿದ್ದಾರೆ.
ಶರೀಫರು ತಮ್ಮ ಜೀವನವನ್ನೇ ಪಾರಮಾರ್ಥದ ಸಾಧನೆಗೆ ಮೀಸಲಿಟ್ಟು ಅನೇಕ ತತ್ವಪದಗಳನ್ನು ರಚಿಸಿದ್ದಾರೆ.
ಅವರ ಪದಗಳು ಆಡು ಭಾಷೆಯಲ್ಲಿದ್ದು ಜನಸಾಮಾನ್ಯರ ಮನಕ್ಕೆ ಮುಟ್ಟುವಂತಹವಾಗಿವೆ. ತುಂಬಾ ಗಹನವಾದ ಅಧ್ಯಾತ್ಮ ವಿಚಾರಧಾರೆಗಳನ್ನು ಅವರ ಪದಗಳಲ್ಲಿ ಕಾಣಬಹುದು. ಗುರು ಗೋವಿಂದ ಭಟ್ಟರಷ್ಟೇ ಅಲ್ಲದೇ
ನವಲಗುಂದದ ನಾಗಲಿಂಗಮತಿ ಮತ್ತು ಗಂಗೆಯ ಮಡಿವಾಳಪ್ಪ, ಅಡವಿ ಸ್ವಾಮಿ, ಹುಬ್ಬಳ್ಳಿಯ ಸಿದ್ಧಾರೂಢ ಸ್ವಾಮಿಗಳೂ ಶರೀಫರ ಮೇಲೆ ಪ್ರಭಾವ ಬೀರಿದ ಮಹಾನ್ ಪುರುಷರು. ಉರ್ದು ಮಿಶ್ರಿತ ಕನ್ನಡದ ಆಡು ಭಾಷೆಯಲ್ಲಿನ ಶರೀಫರ ತತ್ವಪದಗಳು ಒಗಟಿನ ರೂಪದಲ್ಲಿದ್ದು ಅದರಲ್ಲಿನ ಸಾರವನ್ನು ಅರಿಯುವುದೇ ಒಂದು ಕಲಿಕೆಯಾಗಿದೆ. ಶರೀಫರು ಸುಮಾರು 400 ಪದಗಳನ್ನು ರಚಿಸಿದ್ದು ಅವುಗಳಲ್ಲಿ ಸಾಕಷ್ಟು ಪದಗಳು ಹಾಡುಗಳ ರೂಪದಲ್ಲಿ ಪ್ರಸಿದ್ದಿ ಹೊಂದಿವೆ. ಹೆಸರಾಂತ ಗಾಯಕ ಸಿ.ಅಶ್ವಥ್ ಮತ್ತು ಮೊದಲಾದವರ ಧ್ವನಿಯಲ್ಲಿ ಶರೀಫರ ಹಾಡುಗಳು ಕನ್ನಡ ಸಂಗೀತ ಲೋಕದಲ್ಲಿ ಜನಪದ ಅಲೆಯನ್ನೇ ಮೂಡಿಸಿವೆ.
ಶರೀಫರ ಕಾಲಾನಂತರ ಅವರ ಅಂತ್ಯಕ್ರಿಯೆಯನ್ನು ಹಿಂದು ಹಾಗು ಮುಸ್ಲಿಮರು ಕೂಡಿಯೇ ಮಾಡಿದರು. ಶರೀಫರ ತಂದೆ,ತಾಯಿಗಳ ಸಮಾಧಿಯ ಪಕ್ಕದಲ್ಲಿಯೇ ಶರೀಫರ ಸಮಾಧಿಯಾಯಿತು. ನಂತರ ದೊಡ್ಡ ಗದ್ದುಗೆಯನ್ನೇ ನಿರ್ಮಿಸಿ ಹಿಂದೂ-ಮುಸ್ಲಿಂ ಭಾವೈಕ್ಯತೆಗೆ ನಾಂದಿ ಹಾಡಿದರು. ಈ ಗದ್ದುಗೆಯು ಯಾವುದೇ ಧರ್ಮದ ಮಾದರಿಯಲ್ಲಿ ಇಲ್ಲ. ವಿಶಾಲವಾದ ಕಟ್ಟೆ, ಆ ಕಟ್ಟೆಯ ಮೇಲೆ ಗುರು ಗೋವಿಂದ- ಶರೀಫರ ಮೂರ್ತಿಗಳು ಮತ್ತು ನೆರಳು ನೀಡುವ ಬೃಹತ್ ಮರ. ಈ ಮರವು ತುಂಬಾ ವಿಶಿಷ್ಟವಾಗಿದ್ದ ಬೇವಿನ ಮರವಾಗಿದ್ದು ಇದರಲ್ಲಿ ಮಲ್ಲಿಗೆಯ ಬಳ್ಳಿಯೂ ಹಬ್ಬಿಕೊಂಡಿದೆ. ಗದ್ದುಗೆಗೆ ಹಿಂದೂ-ಮುಸಲ್ಮಾನ ಎರಡೂ ಪದ್ಧತಿಯ ಪ್ರಕಾರ ಪೂಜೆ ಸಲ್ಲಿಸುತ್ತಾರೆ.ಈ ಗದ್ದುಗೆ ಎಲ್ಲ ಜಾತಿ, ಮತ, ಧರ್ಮಗಳ ಎಲ್ಲೇ ಮೀರಿ ತುಂಬಾ ಭಕ್ತಿ ಭಾವಗಳಿಂದ ಪೂಜಿಸಲ್ಪಡುತ್ತಿದೆ. ಇಂದಿಗೂ ಕೂಡ ಶರೀಫರ ದೇವಕಾರ ಮನೆತನದವರು ಇಲ್ಲಿ ಪೂಜೆ ಮಾಡುತ್ತಾರೆ. 

ಗೀಚಿದ್ದು ತುಂಬಾ years ago..

FBಲೀ  ತುಂಬಾ Years Ago ಗೀಚಿದ್ದು :

 ಶಾಪಿಂಗ್ ಮುಗಿಸಿ ಮನೆಗೆ ಬರುವಾಗ ಅಚಾನಕ್ ಆಗಿ ಅಣ್ಣ-ಅತ್ತಿಗೆ ಸಿಕ್ರು. . ತುಂಬಾ ದಿನಗಳ ನಂತರ ಭೇಟಿಯಾಗಿದ್ದರಿಂದ ಬೇಡ ಬೇಡ ಅಂದ್ರು ಒತ್ತಾಯಿಸಿ ಮನೆಗೆ ಕರೆದುಕೊಂಡು ಹೋದರು. . ನಮ್ಮೆಲ್ಲರ ಹಾಳು ಹರಟೆ ತರಲೆ ಕಿಟಲೇ ಆದಮೇಲೆ ಅತ್ತಿಗೆ ನನ್ನ favourite dishes cook ಮಾಡಿದ್ರು, ಹೇಗೂ ನನ್ ಕಾಲೇಜಿನ vacation holidays ಇರೊದ್ರಿಂದ ನಾನು ಸಖತ್ ಆಗಿ ಊಟ ಮಾಡಿ ನನ್ನ ಮನೆಗೆ ಹೊರಡಲು ready ಆದೆ ಸಮಯ ಹತ್ತಾಗಿತ್ತು, ಹೊತ್ತಾಗಿದೆ ನಾಳೆ ಹೋಗು ಅಂದ್ರು ಕೇಳಲಿಲ್ಲ, ಹಟ ಮಾಡಿ ಮನೆ ಮನೆಗೆ ಹೊರಟೆ ಅರ್ಧ ದಾರಿ ತಲುಪಿದ್ದೆ ಎಲ್ಲಿತ್ತೋ ಏನೊ ಮಳೆ ಧೋ ಅಂತ ಶುರುವಾಗೇ ಬಿಟ್ಟಿತು. .
ಸಿಕ್ಕಿದ್ದೇ chance ಅಂತ ಮಳೆಲಿ ನೆನಕೊಂಡು ಮನೆಗೆ ಬಂದೆ :) , ಅಮ್ಮ ಮಳೇಲಿ ಯಾಕೆ ಬಂದೆ ಅಂತ ಬೈದ್ರು, ಸುಮ್ಮನೆ ಬೈಗುಳಾನೇ ಜೋಗುಳ ಅಂದುಕೊಂಡು ಮಲಗಿದೆ..! ಬೆಳಿಗ್ಗೆ ಕಣ್ಣು ಬಿಟ್ಟಾಗ ಸಮಯ ಬರೋಬ್ಬರಿ ಒಂಬತ್ತು ವರೆ!!!
ದಿನಾ ಬೆಳಿಗ್ಗೆ ಕೌಶಲ್ಯ ಸುಪ್ರಜಾ ರಾಮ ಪೂರ್ವ ಸಂಧ್ಯಾ ಪ್ರವರ್ತತೇ,  ರಾಮ ನಾಮ, ಹರಿ ನಾಮ, ದೇವಿ ಸ್ತುತಿ ಇನ್ನೂ ಏನೇನೋ ದೇವರ ನಾಮಗಳಿಂದ ಶುರುವಾಗೋ ದಿನ ಇವತ್ತು ನನ್ನ ನಾಮಾವಳಿ ಮನೇಲಿ..! ;)
ಹೆಣ್ಣು ಮಕ್ಕಳು ಬೇಗ ಎದ್ದೇಳಬೇಕು, ರಜೆ ಸಿಕ್ರೇ ನಂಗೆ ಸಜೆ, ತುಂಬಾ ಆಲಸಿ ನೀನು ಅಂತ ಅಮ್ಮ ಬೆಳಗಿನಿಂದ ಬೈತಾನೇ ಇದ್ದಾರೆ, ನಾನ್ ಯಾವಾಗ ದೇವರನ್ನೇ replace ಮಾಡಿದೆ ಇದು ನನ್ನ ಹೆಸರಿನ effect ಇರಬಹುದು ಹೆಸರಿನಲ್ಲೇನಿದೆ ಅಂತ ಕೇಳ್ತಿದ್ದ ನಂಗೆ ಒಳ್ಳೆ ಉತ್ತರ ಸಿಕ್ತು ಅಂದುಕೊಂಡು hot coffee ಜೊತೆ newspaper ಓದುತ್ತಿರುವಾಗ ಶುರುವಾಯ್ತು ನೋಡಿ morning pings. .hi, hello good morning, coffee?tea? Tiffin? ಅಂತ ಆ ಕಡೆಯಿಂದ friends ಕುಶಲೋಪರಿ enquiry. .
ನನ್ನ ಸುಪ್ರಭಾತ ಕತೆ ಕೇಳಿ ನನ್ನ ಒಬ್ಬಳು ತುಂಬಾ ಆತ್ಮೀಯ one among my sisters ತರಹ ಇರೋ friend ಮೇಘಾ ನಿಂತಳು ಅಮ್ಮಂಗೆ supportive  ಆಗಿ ನಂಗೆ oppose ಮಾಡ್ತಾ ಒಂದು ದೊಡ್ಡ lecture ಕೊಟ್ಟು you are not a baby still c'mon be responsible learn house hold works, mom will not come to your hubby home to help you out all the time, to serve till your table ಈಗಾಗಲೇ ಕಲಿಲಿಲ್ಲಾ ಅಂದರೆ ಇನ್ ಯಾವಾಗ ಕಲಿತಿ ಅಂತ ನನ್ನ vacation holidaysನಾ working days ಆಗಿ convert ಮಾಡಿ take care ಅಂತ ಹೇಳಿ ಹೋದಳು.!
ನಾನೋ easy taking bubbly natured cool minded girl ಯಾರ ಬುದ್ದಿವಾದವನ್ನು ತಪ್ಪಾಗಿ ಪರಿಗಣಿಸದ life is all about learning ಅಂದುಕೊಂಡಿರೊ ಭಾವನಾತ್ಮಕ ಜೀವಿ, ಅಮ್ಮನನ್ನು ರಮಿಸಿ ನಮಿಸಿ ಕೈಲಾದಷ್ಟು ಅವಳಿಗೆ  ಸಹಾಯ ಮಾಡಿ, ಮುಂಗಾರು ಮಳೆಯೇ ಏನು ನಿನ್ನ ಹನಿಗಳ ಲೀಲೆ ಎಂದು ಗುನುಗುತ್ತಾ, ಕಳೆದೆರಡು ತಿಂಗಳ ಹಿಂದೆ ಅರ್ಧಕ್ಕೆ ಓದಲು ನಿಲ್ಲಿಸಿದ The Epigenetics Revolution ಪುಸ್ತಕವನ್ನು ಕೈಗೆತ್ತಿಕೊಂಡೆ..

ಅಂದು ಸುಮ್ನೆ ತೋಚಿದ್ದು ಹಾಗೆ ಗೀಚಿದ್ದು.....
-Archiees after a long time :)

ತಪ್ಪುಗಳನ್ನು ಹುಡುಕುವುದರಿಂದ ಸಂತಸವು ಹೆಚ್ಚಾಗುತ್ತದೆ!!

ಕೆಲ ಸಲ ನಾವೆಲ್ಲ ಯೋಚಿಸುತ್ತಿರುತ್ತೇವೆ
ಈ ಜಗತ್ತಿನಲ್ಲಿ ತಪ್ಪುಗಳನ್ನು ಹುಡುಕುವುದರಿಂದ ಹೇಗೆ ಸಂತಸವು ಹೆಚ್ಚಾಗುತ್ತದೆ ಎಂದು??
ಇದನ್ನು ಸ್ಪಷ್ಟಿಕರಿಸಿಕೊಳ್ಳಲು ಈಗ ನಿಮ್ಮ ಪ್ರೀತಿ ಪಾತ್ರರೊಡನೆ ತೀರಾ ಇತ್ತೀಚೆಗೆ ನೀವು ಮುನಿಸಿಕೊಂಡಿದ್ದನ್ನು ನೆನಪಿಸಿಕೊಳ್ಳಿ.
ತಪ್ಪು ಎಲ್ಲರಿಂದಲೂ ಆಗುತ್ತವೆ. ತಪ್ಪುಗಳಿಂದಲೇ ತಾನೇ ನಾವು ಪಾಠ ಕಲಿಯುವುದು?!
ಆ ಮುನಿಸಿನ ಸನ್ನಿವೇಶದಲ್ಲಿ ನಿಮ್ಮಿಂದಾದ ತಪ್ಪಾದ ವರ್ತನೆಯನ್ನು ನೀವೇ ಯೋಚಿಸಿ ಹುಡುಕಿ. ಆಗ ನಿಮಗರಿವಾಗುತ್ತದೆ ನೀವೇ ಎನೋ ತಪ್ಪಾಗಿ ಇಲ್ಲವೇ ಒರಟಾಗಿ, ಅಸಂಬದ್ಧವಾಗಿ ಮಾತನಾಡಿರಬಹುದೆಂದು.
ನೀವು ಇದರ ಬಗ್ಗೆ ಯೋಚಿಸಬಲ್ಲರಾದರೆ ತುಂಬಾ ಒಳ್ಳೆಯದು.
ಎಲ್ಲರ ತಲೆಯಲ್ಲಿ ಇಬ್ಬರು ವಕೀಲರಿದ್ದಾರೆ. ಆ ಇಬ್ಬರೂ ವಕೀಲರು ನಮಗಾಗಿ ತಮ್ಮ ವಾದವನ್ನು ಮಂಡಿಸುತ್ತಲೇ ಇರುತ್ತಾರೆ. ಸಮಾಧಾನದಿಂದ ಆ ವಾದವನ್ನು ಕೇಳಿದರೆ ಒಬ್ಬ ವಕೀಲ ನೀವು ಸರಿ ಎಂದು ವಾದ ಮಾಡಿದರೆ ಇನ್ನೊಬ್ಬ ವಕೀಲ ನೀವು ತಪ್ಪೆಂದು ವಾದ ಮಾಡುತ್ತಿರುತ್ತಾನೆ.
ಈಗ ನೀವು ಏರಡನೇ ವಕೀಲನ ವಾದಕ್ಕೆ ಹೆಚ್ಚಿನ ಗಮನ ನೀಡಿ ನಿಮ್ಮಿಂದಾದ ಯಾವುದಾದರೂ ತಪ್ಪನ್ನು ಒಪ್ಪಿಕೊಂಡಾಗ ಆ ಕ್ಷಣದಲ್ಲಿ ನಿಮ್ಮ ಮನಸಿಗೆ ನೋವಾಗಬಹುದು ಆದರೆ ಆ ಎರಡನೇ ವಕೀಲನನ್ನು ಆತನ ವಾದ ಮುಂದುವರೆಸಲು ಬಿಟ್ಟಾಗ ಆತ ನಿಮ್ಮಿಂದಾದ ಎಲ್ಲ ತಪ್ಪುಗಳ ಸತ್ಯಾಂಶಗಳನ್ನು ನಿಮ್ಮ ಮುಂದೆ ಹಾಜರು ಪಡಿಸುತ್ತಾನೆ. ಆಗ ನಿಮಗೆ ನಿಮ್ಮಿಂದಾದ ತಪ್ಪಿನ ಅರಿವಾದಾಗ ಮೊದಲು ನಿಮ್ಮ ಮನಸಿಗೆ ನೋವಾಗುತ್ತದಾದರೂ ನೀವು ನಿಮ್ಮ ಮನಸಿನಾಳದಲ್ಲೆಲ್ಲೋ ನಿಮಗೆ ಗೊತ್ತಿಲ್ಲದೇ ಖುಷಿಯ ಹೆಮ್ಮೆಯ ಭಾವ ಮೂಡುತ್ತದೆ. ಏಕೆಂದರೆ ನಿಮಗೆ ನಿಮ್ಮಿಂದಾದ ನಿಮ್ಮದೇ ವರ್ತನೆಯ ಅರಿವಾಗಿರುತ್ತದೆ.
ವಾವ್ ಎಷ್ಟೊಂದು ಸರಳ ಮತ್ತು ಖುಷಿಯ ವಿಚಾರವಲ್ಲವೇ?
ನಮ್ಮ ತಪ್ಪಿನ ಅರಿವು ನಮಗಾದಾಗ ನಾವು ಅದನ್ನು ಒಪ್ಪಿಕೊಳ್ಳುವುದನ್ನು ಕಲಿತರೆ, ಖುಷಿಯು ತಾನಾಗಿಯೇ ನಮ್ಮನ್ನು ಹುಡುಕಿಕೊಂಡು ಬರುತ್ತದೆ.
ನಾವೆಲ್ಲ ಇದನ್ನು ನಮ್ಮ ದಿನನಿತ್ಯದ ಜೀವನದಲ್ಲಿ ಅಳವಡಿಸಿಕೊಂಡಾಗ ಮಾತ್ರ ನಮ್ಮಲ್ಲಿ ಬದಲಾವಣೆಯ ಪರ್ವ ಕಂಡುಬರುತ್ತದೆ..

"ಇಂದು" ಎಂಬ ಸುಂದರ ಸುದಿನ🙂

ನಿನ್ನೆಗಳ ಯಾರೂ ಹೊತ್ತು ತರಲು ಸಾಧ್ಯವಿಲ್ಲ,
ನಾಳೆಗಳು ಯಾರಿಗೂ ತಿಳಿದಿಲ್ಲ.. ಆದರೆ  "ಇಂದು" ಎಂಬ ಸುಂದರ ಸುದಿನ ನಮ್ಮೊಂದಿಗಿದೆ.
ಈ ಕ್ಷಣ ಎಂಬುದು ಬದುಕಿನ  ಸಮಯದ ಬಹು ಮುಖ್ಯ ಮತ್ತು ವಾಸ್ತವಿಕ ಪಾತ್ರ. ಜೀವನದ ಪ್ರತೀ ಕ್ಷಣವನ್ನು ಪ್ರೀತಿಯಿಂದ ಸ್ವಾಗತಿಸಿದರೆ ಬದುಕೇ ಪ್ರೀತಿಯ ಹೊಳೆಯಾಗಿ ಹರಿಯುತ್ತದೆ..❤️

ಗುರುಪೌರ್ಣಮಿ

ಗುರುಬ್ರಹ್ಮ ಗುರುರ್ವಿಷ್ಣು
ಗುರುಃದೇವೋ ಮಹೇಶ್ವರಃ
ಗುರುಸಾಕ್ಷಾತ್ ಪರಃ ಬ್ರಹ್ಮ
ತಸ್ಮೈಶ್ರೀ ಗುರವೇ ನಮಃ….

ತಾಯಿ ನಮ್ಮ ಮೊತ್ತ ಮೊದಲ ಗುರು.
ತಂದೆ ಅನಂತರದ ಗುರು.
ಶಾಲಾ ಕಾಲೇಜಿನ ಅಧ್ಯಾಪಕರು ನಂತರದ ಗುರುಗಳು.

ಜೀವನದಲ್ಲಿ ಯಾವುದೇ ಕಡೆಯಿಂದ ಲಭಿಸುವ ಜ್ಞಾನ ಮತ್ತು ಅನುಭವವೂ ಗುರುವಾಗಿದೆ.

ವಿಧಿಯಾಟದಿಂದ ನಮ್ಮನ್ನು ಪರೀಕ್ಷಿಸುವ ಸರ್ವಶಕ್ತ ಮತ್ತು ಅವನಿಂದ ಲಭಿಸುವ ಪಾಠವೂ ಗುರುವೇ ಆಗಿದೆ.

ಅಜ್ಞಾನದಿಂದ ಜ್ಞಾನದ ಕಡೆಗೆ ನಮ್ಮನ್ನು ನಡೆಸುವ ವಿವೇಕ, ಜ್ಞಾನ ಮತ್ತು ಶಕ್ತಿಯ ಸಂಯುಕ್ತ ಸಂಕೇತವೇ "ಗುರು"

ನಮ್ಮಲ್ಲಿನ ಅಜ್ಞಾನವನ್ನು ತೊಲಗಿಸಿ ಜ್ಞಾನದೀಪವನ್ನು ಯಾರು ಬೆಳಗಿಸುವರೋ ಅವರೇ ನಿಜವಾದ ಗುರುಗಳು..

ಬದುಕೆಂಬ ಪಾಠಶಾಲೆಗೆ, ಬದುಕಿನ ಪಾಠ ಕಲಿಸಿದ ಎಲ್ಲಾ ಗುರುಗಳಿಗೆ ಭಕ್ತಿಪೂರ್ವಕ ನಮನ.🙏

🌸ಎಲ್ಲರಿಗೂ ಒಳಿತಾಗಲಿ..ಎಲ್ಲರಿಗೂ ಶುಭವಾಗಲಿ..🙏

ಗುರುಪೌರ್ಣಮಿಯ ಶುಭಾಶಯಗಳು✨

‪ಒಂದು ಸುಂದರ ಸಂಜೆ

 ನಾವು ಎಷ್ಟೇ ಕಲಿತು graduates, post graduates, doctorates, many more ಆಗಿದ್ರೂ, ಪ್ರಕೃತಿ, ಸೂರ್ಯ, ಚಂದ್ರ, ಚುಕ್ಕಿ, ತಾರೆ, ನಭೋಮಂಡಲ ಮುಂತಾದವುಗಳ ಕುರಿತು ಸಾಕಷ್ಟು ಮಾಹಿತಿ ದೊರೆತಿದ್ದರೂ, ಸೂರ್ಯ-ಚಂದ್ರ ಇದ್ದಲ್ಲೇ ಇರ್ತಾರೆ, ಭೂಮಿ ತಿರುಗುತ್ತದೆ, day and night occurs due to the rotation of earth on its axis..ಅನ್ನೋ fact ಗೊತ್ತಿದ್ರೂ ಅದೇಕೋ ಏನೋ ಗೊತ್ತಿಲ್ಲ ನನಗೆ sunrise sunset ನೋಡಿದಾಗಲೆಲ್ಲ ಮತ್ತು shifts ಮೇಲೆ work ಮಾಡೋ techies ನೋಡಿದಾಗಲೆಲ್ಲ "ನನ್ನ ಅಮ್ಮ" ನೆನಪಾಗ್ತಾಳೆ. .
ಚಿಕ್ಕಂದಿನಲ್ಲಿ ಅಮ್ಮ ನನಗೆ ಊಟ ಮಾಡಿಸ್ತಿರೋವಾಗ ಅಮ್ಮ ಸೂರ್ಯ ಸಂಜೆಯಾದ ಮೇಲೆ ಎಲ್ಲಿ ಹೋಗ್ತಾನೆ ಅಂತ ಕೇಳಿದಾಗ, ಸೂರ್ಯ-ಚಂದ್ರ ಭೂಮಿ ತಾಯಿಯ ಎರಡು ಮಕ್ಕಳು..ಸಂಜೆಯಾದ ಮೇಲೆ ಸೂರ್ಯ ಅಮ್ಮನ ಹತ್ತಿರ ಹೋಗ್ತಾನೆ ಊಟ ಮಾಡಿ rest ಮಾಡಿ ಬೆಳಿಗ್ಗೆ ಬರ್ತಾನೆ ಅಲ್ಲಿವರೆಗೂ ಚಂದ್ರ ಭೂಮಿ ಕಾಯ್ತಾನೆ. .ಮತ್ತೇ ಬೆಳಿಗ್ಗೆ ಸೂರ್ಯನ ಪಾಳಿ. . ಅಮ್ಮ ಹೇಳಿದ ಆ ಕತೆ ಎಷ್ಟೊಂದು ಸುಂದರ. .  ಸೂರ್ಯಾಸ್ತ-ಸೂರ್ಯೋದಯ ನೋಡೋದಂದ್ರೆ ನಂಗೆ ಪಂಚಪ್ರಾಣ, ತುಂಬಾ ಖುಷಿ.. ಆ ವೇಳೆ ಬಾನಲ್ಲಿ ಮೂಡಿದ ಚಿತ್ತಾರ ನೋಡಿದಾಗಲೆಲ್ಲ ಅಮ್ಮ ಮತ್ತು ಅಮ್ಮ ಹೇಳಿದ ಆ ಕತೆ ನನ್ನೆದೆಲಿ ಬೆಚ್ಚನೆಯ ಅನುಭವ ನೀಡುತ್ತದೆ. .
love u lots ಅಮ್ಮ